التعليقات على: انهاء تكليف مدير عام الشركة العامة للفوسفات والمناجم المهندس فرحان المحسن

بواسطة: الحزين

الحزين — Fri, 10 Jun 2011 16:12:13 +0000

احسن شي الواحد يقول حسبي الله ونعم الوكيل من هيك مشروع بس مو حرام مدير ما يكفي السني ليش لانو كان حريص على العمل والمصلحه العامه لأنو ماكان ينام 24 ساعه يمضيها بلمناجم والمصانع بس انشاء الله لاعلى المناصب يا استاد محمد

بواسطة: المغترب

المغترب — Thu, 10 Mar 2011 04:29:36 +0000

انا رح قول كلمتين بكفي؟ الصوانه عباره عن مصدرو مجمع لتائمين لوازم اهل الواسطات بس اما العامل بخبر كان يصير ولا عمرو مايصير المسئول الحمد لله كلشي عندو اما العامل دخيل الله ايمت يجي اخر الشهر حتى يوفي الدين الي علي بالمختصر المفيد الصوانه راح تروح ليش؟ لانو كل واحد داير على مصلحتو ؟

بواسطة: المغترب يعلق

المغترب يعلق — Thu, 10 Mar 2011 04:21:22 +0000

الله وكيلكم الصوانه عباره عن دور يمشي لكل المهندسين مثل الالعاب الي بدبر واصطه يصير مدير ليش عشان ياخذ الي فيو النصيب ويفل يعني بعد مايصيرلو شي خمس او ست سنين بصير عندو سياره او باص او قاطر مقطوره بشيل حالو و بيمشي لا وكلو بكفي وبتقول للمدير بدي سياره حتى اسعف مرتي او واحد من لولاد بقلك مافي ليش قال السيارات لطوارء بس هو بكون من الاساس مافي طوارء بس هوي شاطر يسافر على البحر وعلى جميع المنتزهات لاكان هوي على راسو ريشه ؟؟روحو شوفو اهل الصوانه شلون عايشين الله وكيلكم ضلم بضلم وغير هيك سيارات لنقل العمال مافي كلو بالاجره ههههههههههههه واحلى شي انو صحاب السيارات المهندسين الموجودين بالشركه ياحرام ياحرام على ناس ناس يادنيا؟

بواسطة: الاسمر المظلوم

الاسمر المظلوم — Mon, 17 Jan 2011 08:12:11 +0000

يا جماعة والله نعيش في دوامة كذب ونفاق لأن نائب المدير ديكتاتوري وظالم وعندما تأتي لتكلمه يقول انا احب الظلم ومع العلم انه عندما توظف لم يكن يعرف البرغي من العزقة واصبح من اصحاب رؤؤس الاموال

بواسطة: مخلص للوطن

مخلص للوطن — Fri, 31 Dec 2010 09:35:05 +0000

أنت با صاحب التعليق الديكتاتوري هل أفدت الوطن بمقدار حبة رمل
وليكن بعلمك أن معيشتك أنت وأبناء عائلتك بفضل تعب هذا المدير ونائبه وسهرهم الليالي من أجل تطوير مناجم الفوسفات التي كانت لاتعطي بمقدار ما يعطى لها منذ عشر سنوات
ولتعلم أنك تعيش من وراء فضل نائب المدير وتعبه عليكم وعلى المناجم بشكل عام
وأنا أتكلم لأني عشت 26 سنة في الصوانة وأعرف أن كل همك أنت وأمثالك الذين كنتم عالة على المجتمع وعلى المناجم هو السؤال عن التموين هل هو لحمة و بيض أم مواد ناشفة وهنا المصيبة فماذا ستاكل الأولاد
وأنا بإسمي وإسم كل شريف ومواطن يقدر كل ساعي وراء خدمة الوطن مثل نائب المدير والمدير ومثلهم أمثال أتمنى ان يصلوا إلى مراتب أعلى في مجال عملهم
أدام الله كل شريف في هذا البلد
وشكرا

بواسطة: فريد

فريد — Mon, 20 Dec 2010 23:24:36 +0000

ماذا يجري في شركة الفوسفات 3مدراء للشركة في 150 بوم ؟؟؟؟؟؟؟؟؟؟.

وااااااا أسفاااااااh …. .بدءا من تموز 2010 ولغاية كانون 2010 .

بواسطة: عامل في مناجم الشرقية قسم الانتاج

عامل في مناجم الشرقية قسم الانتاج — Sun, 19 Sep 2010 16:35:05 +0000

بصراحة هناك احباط كامل لدى عمال مناجم الشرقية البالغ عددهم حوالي 1200 عامل نتيجة الأسلوب الدكتاتوري المتبع من قبل كل من مدير الشرقية و نائبه حيث تم اعتماد أسلوب التهديد و الضغط على العمال النشيطين وعدم تقديم أي ميزات لهم وفي الحقيقة يقوم نائب المدير ( صاحب الماضي الأسود المعروف ) بتوجيه مدير الشرقية كيفما شاء مما سيؤدي إلى وصول المديرية إلى الدمار
نناشد المعنيين التدخل

بواسطة: عامل في مديرية مناجم فوسفات الشرقية

عامل في مديرية مناجم فوسفات الشرقية — Tue, 27 Jul 2010 18:48:53 +0000

قرار حكيم و صائب /كدة كفاية / و الله ياجماعة هلكنا بالعناد تبعو قال شو بدو يوفر على الشركة و كلو من حساب العمال و تعبهم روحوا و شوفوا بعيونكم كيف عايشين بالمناجم لا خدمات و لا سيارات نقل و لا سيارات خدمة و لا تنظيم و لا إضافة لا منشان مايصير كذب عم ناخد كل شهرين 200 ل س و بعد حسم الضريبة بتصير 185 ل س عيب و الله عيب و ما منقول غير الله يسامح اللجنة النقابية على هذا الاستهتار لكن معقول لجنة نقابية ما تجتمع مع العمال و لا مرة تشوف شو المطالب شو عايزين و تخبر العمال شو هي حقوقها و شو هي واجباتها بس حسب ماني شايفو مو بس أنا كل العمال الشرفاء اللجنة النقابية مصالح شخصية فقط فيكن تتأكدو من هذا الشيء من خلال منصب زوجة رئيس الجنة و ابنه البار و أصهرته و الذين جميعهم أبطال للإنتاج سبحان الله و الأكتر من هيك كل ما حكيت كلمة بيقلولك أنت عم داوم أربعة أيام و تنزل أربعة أيام و الله تقول عم أعمل شي معصية على كل الأحوال جاء قرار الإعفاء متأخرا و لكن أن يأتي متأخرا خيرا من أن لا يأتي أبدا و انشالله على دور المدير الجديد بتظبط الأمور و بتصير أحسن من أول طبعا على دور المدير العام و مدير مناجم فوسفات الشرقية باعتبارو جديد و ما صرلو غير شهرين نأمل و من كل قلوبنا الاستجابة

بواسطة: ابن البلد

ابن البلد — Mon, 26 Jul 2010 21:44:55 +0000

أن يتم انهاء تكليف مدير عام شركة الفوسفات من منصبه فهذا قرار حكيم وصائب ولو جاء متأخرا” جدا” ولكن أن يبقى آخرين في الشركة في مناصبهم بالرغم من وجود القرار رقم 4/1221 /34 /ع ن خ تاريخ 31 /8 /2009 الصادر عن الهيئة المركزية للرقابة والتفتيش والقاضي بابعاد أحد المسؤولين في الشركة عن عمله لثبوت اهماله وتقصيره في أداء عمله واحالته للقضاء وحجز أمواله وأموال زوجته فهذا أمر غريب ولا أعتقد أنه ينسجم مع المنطق الاداري والقانوني والمهني وهذا سؤال في عهدة السيد وزير النفط وكافة الجهات الوصائية المعنية بهذا الشأن . / من أراد التأكد من صحة هذا الكلام ومن اسم الشخص المقصود يستطيع ذلك من خلال رقم القرار الوارد أعلاه وتاريخه /